Pitopulo ket lima nga agad-adal manipod Day Care agingga Elementary idiay Barangay Lanipao, Narvacan iti nakipaset iti Outreach Program nga insayangkat ti Narvacan Fire Station.
Iti pannaki-uman ti Bombo Radyo Vigan ken ni Senior Fire Officer 3 Ronald Angelo Racca manipod Narvacan Bureau of Fire Protection, naipaayan dagiti ubbing iti regalo ken food packs.
Segun ken ni Racca, imbes nga ag-christmas party-da a kameng ti BFP-Narvacan ket insayangkatda laengen ti gift giving kadagiti ubbing a naapektaran ti didigra idi kallabes tapno maragsakanda ken mariknada iti pateg ti paskua.
Kalikagumna nga ad-adu pay a lugar iti pakaidanonan ti nasao a parabor tapno matulongan dagiti agad-adal.
VIDEO – SENIOR FIRE OFFICER 3 RONALD ANGELO RACCA 1
Kagiddan ti holiday season ket pinalagipa ni Racca dagiti agtagilako iti paputok a sumurot iti guidelines a maiyetnag tapno awan ti maisagmak ken siguradoenda nga adda nakasagana a gamit nu kas bilang adda iti aksidente.
Balakadna kadagiti umili a liklikan ti agaramat iti paputok tapno awan ti madangran ken naragsak a pasangbayen ti paskua ken baro a tawen.
VIDEO – SENIOR FIRE OFFICER 3 RONALD ANGELO RACCA 2
