Immapela ti Office of the Prosecutor (OTP) ti International Criminal Court (ICC) ti pannakairuar ti arrest warrant ken ni Senador Bato dela Rosa nga opiyal a maibilang a suspek iti agtultuloy a crimes against humanity case iti ICC.
Segun ti OTP, maysa a napateg nga addang ti nasao a warrant kontra ken ni Dela Rosa iti agtultuloy a pananggun-od iti dusa para ti mapapati a naaramid a krimen iti salinong ti war on drugs campaign iti Pilipinas.
Segun ti OTP, ituloy ti opisina ti nainget a pannakikammayet ti Registry ken iti amin a karman nga stakeholders tapno mapadaras iti pannakaiserbi iti warrant.
Kinuna pay ti prosecutor, ti sikreto ti warrant ket nairuar idi November 6, 2025 tallo nga aldaw kalpasan a naipila iti nasao a request.
Naipalada dayta kadagiti maseknan nga otoridad iti Pilipinas kalpasan iti nasao nga isyu.
Immunan nga imbilin ti ICC Pre-Trial Chamber 1 ti panang-reclassify iti warrant tapno pagbalinen a “public” manipod panagbalin a confidential.
Maipalagip a ni Dela Rosa ket immunan a nabigbig kas maysa a co-perpetrator ni dati a Pres. Rodrigo Duterte iti mapapati a crimes against humanity.
