Naipasidong iti Code White Alert dagiti ospital manipud December 21 agingga January 6 gapu kadagiti posible a health emergencies iti baet ti Paskua ken New Year festivities.
Segun ken ni DOH Spokesperson Albert Domingo, kayatna a sawen ti code white ket amin a doktor ken nurse, mai-set ti schedule da, dagiti nakaleave, mayakar pay laeng ti leave da.
Inlawlawagna pay a ti Code White Alert ket amin a health worker kas iti general ken orthopedic surgeons, anesthesiologists, internists, operating room nurses, ophthalmologists ken otorhinolaryngologists ket addada kadagiti ospital nga agresponde kadagiti medical emergencies iti ania man nga oras.
Sakup pay ti Code White Alert ti Operations Center ti ospital a makitinnulong iti panagresponde ti DOH regional ken central office.
