Pinalagipan ti Vigan City Police Station iti publiko ti pannakaipatungpal ti Ordinance No. 25 series of 2014 a mangiparit iti panaginom iti alcoholic beverages iti public streets, sidewalks ken public parks iti siudad ti Vigan.
Iti pannaki-uman ti Bombo Radyo Vigan ken ni PLt. Col. Reynaldo Mendoza Jr. iti Vigan City Police Station, gapu ta maysa iti siudad ti Vigan a tourist destination iti probinsia ket rumbeng laeng nga awan ti pagbutnganda nangruna kadagiti malabsanda bayat ti panagturongda iti panda pasyaren.
Iti baet nga adda ordinansa ket inlawlawag ni Mendoza nga adda iti exemption ta nu adda iti special occasion wenno party ket mabalin nga agkiddaw ti permit iti City Government wenno Barangay depende iti maaramid a pasken.
Impalagipna nga adda iti katukad a muelta para kadagiti aglabsing ta iti first offense ket mamuelta iti P200 wenno walo nga oras a community service, iti second offense ket mamuelta iti P1,000 ken ti third offense ket mamuelta iti P5,000.
