VIGAN CITY – Nadagdagsenen ti maipakat a pannusa kadagiti aglabsing iti nayetnag nga ordinansa iti ili ti Narvacan inaig ti panagibelleng ti basura ta kayat dagiti maseknan a mapagtalinaed a nadalus ti aglawlaw.
Nakailanad iti paglintegan a dagiti matiliw a saan a simmurot ket mamuelta iti PHP300 wenno agcommunity service iti maysa nga aldaw para ti 1st offense; PHP500 weno agcommunity service iti tallo nga aldaw ken PHP1,000 wenno agcommunity service iti lima nga aldaw para ti 3rd offense.
Nagpalagip ni Sangguniang Bayan Chairman on the Committee on Agriculture Jovenn Ampo Jr. kadagiti umili a liklikanda ti agiwara iti basura iti pampubliko a lugar kangrunaan iti igid ti baybay nga isu ti pakakitkitaanda iti adu a rugit.
Nupay kasta, adda naaramid a pagbasuraan iti nasao nga ili nga isu ti pangikabilanda kadagiti maibelleng a basura tapno saan nga agkaiwara iti aglawlaw.
