VIGAN CITY – Mabalinen a maituloy ti quarry operation idiay Barangay Lingsat, Bantay kalpasan ti pannakaisardengna idi kallabes .
Inlawlawag ni PENRMO Edgar Yabes a kalpasan ti panagtataripnongda ket umanamong met dagiti residente iti nasao nga operasyon ta makitada ti pagsyaatanna no ma-quarry tapno saandanto a malayus iti panagtutudo ngem kwestyonaranda laeng no apay nga immuna a nairuar ti resolusyon sakbay ti public consultation.
Innayon ti opisial a tapno maituloy ti operasyon ket masapul a kapatang ti barangay ni Sangguniang Bayan Member Hipolito Madriaga nga isu ti nangpasardeng iti nasao nga operasyon ta no iti biang ti opisinada, naurnos ti permit nga in-applyan ni Engr. Teresa Palomares isu nga awan parikut kadakuada.
Maipalagip a naipasardeng ti operasyon ti quarry iti nasao a barangay ta sumagmamano kadagiti residente ti nagreklamo ta saan a nalawag kadakuada ti operasyon ti quarry.
