Nagarbo ti nagbalin nga opening ceremony ti 2024 Paralympic Games idiay Paris, kaunaan a Paralympic Games a naangay idiay Paris.
4,400 nga atleta manipud iti nadumaduma a pagilian ti simmali para kadagiti duapulo ket dua nga sports.
Nakipaset iti parada dagiti sangagasut innem a pulo ket walo a delegasyon iti nalatak a Place de la Concorde ken Champs-Elysees iti sangwanan dagiti lima ribo a nagbuya.
Iti umuna a paset ti parada ket makita ti Phryge taxi a minaneho ni French Paralympic hero Theo Curin.
Ti nalabaga a kotse ket minaneho ni French Paralympic swimmer ken adda pay dagiti Paralympic mascots.
Nagiiryag dagiti audience idi simreken ti Refugee Paralympic Team iti Place de la Concord nga indaulwan ti flagbearer Guillaume Junior Atangana.
Ti RPT ket buklen iti walo nga atleta a simmali kadagiti innem nga sports a pakaibilangan ti Para athletics, powerlifting, table tennis, taekwondo, triathlon ken wheelchair fencing.
Nagtukar ti DJ electronic music ket nagbalin a narangrang ti parada gapu kadagiti naraniag a suot dagiti bakipaset.
Adda pay airshow ti fighter jet ti France isu nga adda ti asok nga adda kulay ti nasao a host country.
