VIGAN CITY – Marigatan nga agpili dagiti coach iti agbalin a players iti National Basketball League kagiddan ti panangisayangkatda ti Open Tryout iti Narvacan People’s Center Court iti ili ti Narvacan a nangrugi itattay nga agpaut inton bigat January 4, 2022.
Iti pannak-uman ti Bombo Radyo Vigan ken ni Coach Manolito “Annong” Clarin, tallopulo ket dua a palyers manipod agduduma nga ili iti probinsia iti nakipaset iti open tryout ket nakitada iti agduduma a laingda.
Nupay kasta, adda dagiti pagibasaranda kadagiti mapili ta limitado laeng iti slot para kadagiti nasao a player.
Segun ken ni Coach A, nupay addan ti sumagmamano a napilida ket maipatungpal pay iti tryout inton bigat tapno mapaneknekanda iti kinalaingda.
Innayonna a posible nga inton February 5, 2022 iti pannakaisayangkat ti laban dagiti player a mapili isu a rumbeng a masaganaanda tapno maipakitada iti laing dagiti aggapu iti probinsia.
Kabayatanna, dagiti makipagpaset iti laban ket rumbeng nga agtawen ti duapulo ket maysa agingga tallopulo ket lima a naiyanak iti probinsia.
