Online voting ti BMF 2020, nangrugin

VIGAN CITY – Ka- Bombo ken ka- Starnation, tapnu maikkan iti naan-anay a partisipasyon dagiti umili a nahilig iti musika, nangruna ti OPM ken tapnu makapili iti kapintasan a kanta manipud ti 12 finalists ti Bombo Music Festival, mabalin kayon nga agbotos kadagiti magustuwan wennu pagayat yo a Finalist.

Ti On- Line Voting ket mangrugi tatta agingga ti Finals Night ti maikatlo a National Bombo Music Festival inton January 11, 2020 a maisayangkat idiay West Visayas State University  Cultural Center idiay Lapaz, Iloilo City.

Nadaras laeng iti panagbotos  iti magustwan yo a Finalists nu nakaregister kayon iti BMF Website.

Babaen ti cellphone nga adda ti data wennu WIFI connection na, mapan laeng iti BMF website a bmf.bomboradyo.com

Ag-log-in ken agregister. Agaramid ti Account wennu mabalin met a makalog-in babaen ti usernam ken password. Ti panagregister, kumpletoen laeng dagiti kasapulan nga impormasyon tapnu makasali iti panangpili ti kampeon iti maikatlo a BMF.

Nu damo yo laeng iti agregister, maisuro kadakayo ti Voting Page ngem nu saanen, i-Click laeng ti Red Vot Button iti baba wennu POLL MENU iti ngato ti page.

Ti uneg ti Voting Page, makita dagiti composers ken singers dagiti kanta a karaman kadagiti 12 finalists ket mabalin yo a denggen iti paset iti tunggal kanta.

Tapnu makabotos, i-click laeng ti RADIO BUTTON iti baba ti Finalist Banner Image tapnu mapili ti maysa a Finalist wennu Entry ket kalpasan na, mapan iti kababaan a paset iti page ket i-click ti VOTE BUTTON.

Nu mai-click ti VOTE Button, i-reload iti page tapnuy makita iti confirmation iti botos yo.

Tapnu makita iti resulta, mapan iti RESULTS BUTTON

I-reload met laeng ti page ket makita iti voting percentage ti tunggal finalists ket nu siasino iti nakaala iti kangatoan a voting percentage, isu ti adda iti ngato ti listaan.

Ti maysa a User ket mabalin laeng nga agbotos iti kada maysa nga oras babaen ti panang-refresh iti page wennu ag-log-in manen.

Ti kampeon ket makaawat ti PHP 275,000; First Runner Up – PHP 200,000; Second Runner Up – PHP 150,000 idinto a dagiti siyam a finalists ket makaawat ti PHP 75, 000 iti tunggal maysa.

 Ti Best Interpreter ket makaawat ti tallo pulo ribo a pisos a ti pakabuklan a cash prizes ket maysa a milyon tallo gasut ket tallo pulo ribo a pisos.

Ti 3rd National Bombo Music Festival 2020 ket maysa manen a naidumduma a kontribusyon ti Bombo Radyo ken Star FM iti panangitandudo kadagiti original composition kadagiti Filipino music.