Pinasingkedan ti Commission on Elections (COMELEC) nga agtultuloy iti internet voting para kadagiti overseas Filipino idiay Thailand iti baet iti nakaru a ginggined iti nasao a pagilian idi March 28.
Ti magnitude 7.7 a ginggined a timmama idiay Myanmar ket nagresulta iti pannakatay iti 2,065 a tattao, nakadunoran iti 3,900 ken saan a nababbaba iti 270 a mapukpukaw.
Segun ken ni Comelec Chairman George Garcia, agtultuloy ti postal voting para iti 320 overseas Filipino voters idiay Myanmar.
Nakasaritan ti embahada iti Pilipinas idiay Myanmar ket awan ti parikot iti imprastraktura ken nasayaat iti kasasaad dagiti tallogasut a Pilipino idiay Myanmar.
Inton bigat ket mangruhgin iti panagpatulod iti election paraphernalias iti Comelec para iti umadanin a midterm elections.
Ti overseas voting period ket mangrugi iti April 13 agingga May 12.
Manipod iti siam a pulo a Philippine diplomatic posts ket pitopulo ket pito iti makipaset iti kaunaan nga online voting ken counting system ken sangapulo ket innem iti maaramat nga automated counting machines.
