Ngimmato ti online transactions iti Land Transportation Office (LTO) iti 20% kagiddan ti full steam ti LTO iti digitalization.
Segun ken ni LTO Chief Vigor Mendoza, ti online transactions iti ahensya ket nanayunan iti tallo a porsiento idi napan a tawen.
Kinunana a saan laeng a pakalag-anan dagiti stakeholders ta makissayan pay iti inaldaw aldaw a transaction, maysa a systemic change tapno matignayan ti korapsyon.
Dagiti nasao a transakyon ket maaramid babaen ti LTO portal a mangikkat ti face-to-face interactions ken makatulong a mangtignay ti fixer issues iti ahensya.
Masapul laeng dagiti motorista nga i-upload dagiti dokumento kas ti emission testing ken inspections iti online portal tapno marenew ti vehicle registration.
Iti agdama ket makikamkammayet ti LTO iti Department of Migrant Workers ken ti Department of Information Communications Technology para ti roll out ti online driver’s license renewal inton January 2025.
