VIGAN CITY – Nagyaman ni Atty. Jizelle Reyes, maysa kadagiti nakapasa iti 2019 Bar Examinations gapu iti inaramid nga addang ti korte suprema para ti panagsapatada.
Iti pannaki-uman ti Bombo Radyo Vigan ken ni Reyes, sabali latta para kenkuana a makadua koma iti pamiliana iti maysa kadagiti kapatgan a pagteng iti biagna.
Nu pay kasta, maawatanna gapu iti agdama a sangsangwen a rigat ti pagilian gapu iti COVID19 isu a tapno maimatangan met dagiti kabagyanna ket nag-live iti social media.
Kabayatanna, nakaituding nga inton July agingga August ti panagpermada idiay korte suprema tapno maibilangdanton a “full-pledged lawyer” isu a kasapulan ti personal a presensyada ngem nupay kasta, adda dagiti surotenda a pagannurotan tapno natalged iti panagturogda iti korte kas ti pannakaidalanda iti COVID19 testing.
