--Ads--
Saan a practical iti online classes kadagiti pampubliko a pagadalan iti tengnga ti panagngato ti presio ti produkto petrolyo gapu iti tension idiay Middle East segun ken ni Senador Sherwin Gatchalian.
Pinasingkedan ti opisial a napadasanen ti pagilian ti learning losses idi panawen ti COVID-19 pandemic idi maipatungpal ti online learning.
Impaganetget ni Gatchalian a saan nga umanamong iti panangipatungpal ti online classes kadagiti pampubliko a pagadalan gapu ta saan a nasayaat ti nagbalin nga epekto na idi COVID.
Nupay kasta, impakaammo ti senador a mabalin nga epektibo ti online classes kadagiti pribado a pagadalan gapu ta kaya dagiti estudyante iti teknolohiya ken transportasion.
-- ADVERTISEMENT --
