VIGAN CITY- Panagsayang laeng ti oras ti panangibilang ni Bayan Muna Partylist Rep. Carlos Isagani Zarate iti one-on-one interview da Presidente Rodrigo Duterte ken Presidential Legal Counsel Salvador Panelo ta awan ti baro nga inbaga na.
Ti pannakiuman ti Bombo Radyo Vigan kenni Zarate, inbaga na nga imbes nga agsapul ti solusyon ni Presidente Duterte ket banbanatan na dagiti kritiko na tapno matakkaban dagiti parikut a sangsanguen ti pagilian kas ti inflation rate a mapapati nga epekto ti TRAIN law.
Dismayado ti opposition congressman ta padpadaanan da dagiti idatag ti presidente a solusyon no kasano a masolbar ti kinarigat ken panagpangato ti presyo dagiti magatang ngem ti laeng inaramid na ket insubli dagiti daan nga isyu.
Kabayatanna, patien ni Zarate a saan a solusyon ti panaglosolos ni National Food Authority Administrator Jason Aquino iti parikut idiay NFA a kinakirang ti nalaka a bagas ta saan laeng a dagiti mangidualo ti makinbasol no di ket dagiti polisiya ti ahensya.
Karaman ditoy iti panagangkat ti NFA ti bagas ta dagiti mannalon iti sabali a pagilian ti pabakbakanangen da imbes a dagiti lokal mannalon.
