VIGAN CITY – Namnamaen ni Sangguniang Panlalawigan Member Gina Cordero a dakkel a tulong para kadagiti Micro, Small and Medium-sized Enterprises wenno MSMEs iti pannakairusat ti kaunaan a One Town One Product (OTOP) Hub iti probinsia a masarakan iti Ground Floor iti Provincial Farmers Livelihood.
Ti nasao nga OTOP Store ket home-grown products a kas ti abel-iluko, handicrafts, ti prized Ilocos Sur robusta coffee ken local food products ken dadduma pay nga aggapu iti dua a siudad ken tallopulo ket dua nga ili iti probinsia.
Iti pannaki-uman ti Bombo Radyo Vigan ken ni Cordero, ti nasao a pannakairusat ti OTOP Hub ket babaen ti panangidaulo ni Governor Jeremias Singson ken nakipasetan ti Department of Trade and Industry babaen ken ni Secretary Alfredo Pascual, kameng iti Provincial Micro, Small and Medium Enterprise Development Council, kameng ti academe ken dadduma pay.
Segun ken ni Cordero, inapresyar ni dati a Governor Luis Chavit Singson ti OTOP hub ngem adda dagiti rekomendasyonna inaig iti labeling.
VIDEO AUDIO OF SANGGUNIANG PANLALAWIGAN MEMBER GINA CORDERO
Inlawlawag met ni dati a Governor Luis Chavit Singson a kayatna a maipan iti packaging iti ili a nagtaudan dagiti produkto tapno maipannakkel iti lugarda ken tapno maay-ayo pay dagiti pakaipatulodan dagiti produkto.
Inyunay-unayna a tumulong isuna para iti pannakailako dagiti produkto ti MSMEs ta nangipatuloden kadagiti samples idiay United Arab Emirates ta adda iti stores a naipatakder iti nasao a pagilian para iti pakailakoan dagiti produkto nga agtaud ditoy probinsia.
VIDEO AUDIO OF DATI A GOBERNADOR LUIS CHAVIT SINGSON – (OTOP HUB)
