Nasayaat ken naannayas agingga iti agdama ti pannakaisayangkat iti agtultuloy nga One Ilocos Sur Intertown Basketball Tournament iti probinsia.
Iti pannakiuamn ti Bombo Radyo Vigan ken ni Provincial Sports Officer Jonathan Pugrad, pinasingkedan na a nangala da kadagiti national ken international referees manipud iti FIBA.
Daytoy ket kasaruno dagiti nadumaduma a reklamo manipud kadagiti players, ken coaches maipapan iti officiating dagiti local referees.
Iti agdama, kampeon ti ili ti Nagbukel iti upland division, siudad ti Candon met para ti second district, idinto a mannarimaan pay laeng ti championship match iti nagbaetan ti ili ti Magsingal ken Sto. Domingo para iti first district.
Dagiti champion iti tunggal division ken maysa a wildcard manipud iti agbalin to nga umuna a puesto kadagiti first runner up ket isu danto ti agbibinnalubal para iti overall championship.
