Naikkaten ti pribilehiyo a maysa nga oras a panagaramat ti cellphone dagiti foreign national nga adda iti detention centers iti Bureau of Immigration (BI).
Naipatungpal ti nasao a naing-inget a pagannurotan kalpasan a nagaramat ti cellphone ti Russian vlogger a ni Vitaly Zdorovetskiy tapno agrekord ken ag-upload ti vlog-na bayat nga adda iti pasilidad.
Segun ken ni Immigration spokesperson Dana Sandoval, inkeddeng ni BI Commissioner Joel Anthony Viado nga ingetan dagiti restriction iti panagaramat ti cellphone kadagiti detention center.
Maipalubos laeng a maaddaan ti access iti landline phones ken video calling booths tapno matawagan ti pamiliada.
Immunan nga inlawlawag ni Sandoval a ti detention centers iti BI ket holding facilities ken saan a pagbaludan isu a maipalubos kadagiti detainee nga agaraat ti cellphone iti agingga maysa nga oras tapno tawagan dagiti kameng ti pamiliada ken ti embahadada.
