Rugian ti Office of the Ombudsman ti maaddaan ti digital copies iti statements of assets, liabilities and net worth (SALNs) dagiti government officials tapno masigurado ti public access ken mapasayaat ti monitoring ti baknang dagiti opisyal.
Segun ken ni Assistant Ombudsman Mico Clavano, dagiti existing ken masangwanan a SALN ket ma-scan ken ma-upload iti system ti ombudsman, kas mayataday ti Memorandum Circular No. 3, series of 2025 a nairuar idi napan a bulan babaen ken ni Ombudsman Jesus Crispin Remulla.
Kinuna ni Clavano a gagem ti opisina a ma-advocate ti transparency kas general policy.
Inlawlawagna a bayat a pagtaltalinaedenda ti hard copies iti SALN iti duapulo a tawen, agtalinaed met nga accessible iti digital versions.
Iti salinong ti Section 3 paragraph c iti memorandum circular No. 3, ti existing inventories dagiti SALN a nai-file iti Office of the Ombudsman ket saan a madadael nu diketdi maidulin.
