Nangipilan ti Office of the Ombudsman iti kaso a plunder iti Sandiganbayan kontra ken ni Senador Rodante Marcoleta gapu iti mapapati a P75 milion a campaign contributions a naawatna sakbay ti 2025 senatorial electons ngem saan a nailanad iti Statement of Contributions and Expenditures-na (SOCE).
Napilaan pay iti kaso da Michael Defensor ken dagiti negosiante a da Joseph Varias Espiritu ken ni Aristotle Baluyut Viray iti plunder, indirect bribery, ken panaglabsing iti linteg a mangiparit kadagiti opisial ti gobierno nga umawat kadagiti regalo.
Inkalintegan ti prosekusyon a naaddaan iti saan a nainkalintegan a baknang iti panangawatna iti nasao a gatad.
Kabayatanna, pinaglibakan met ni Marcoleta dagiti pammabasul ket kunana a paset laeng dagiti kaso iti plano a butbutngen dagiti opisial a kritikal iti gobierno.
Segun ken ni Marcoleta, saan nga agtalna uray adda kaso a naipila kontra kenkuana.
