Inlawlawag ti Office of the Ombudsman a saan a napastrek idi kalman dagiti kamengda idiay Senado.
Dayta ket gapu iti security checkpoint, a nagbalin a rason a saanda a nakadar-ay iti Senate Blue Ribbon Committee nga idaulwan ti Cayetano bloc.
Inlawlawag dayta ni Assistant Ombudsman Mico Clavano kalpasan ti panangbalaw ni Sen. Rodante Marcoleta iti saan a panangipatulod ti Office of the Ombudsman kadagiti kamengda iti baet nga adda imbitasionda.
Segun ken ni Clavano, adda met awis ti sumagmamano a biang ti Senate Staff a mapastrek ti Ombudsman representative kas “guest” dagiti senador.
Ngem idi maipatuloden iti Office of the Ombudsman ti imbitasion, nadesisionan a saanen nga ituloy ta ti imbitasion ket impatulod ti Blue Ribbon Committee Secretariat ket saan a ti maysa a partikular a senador.
