--Ads--
Ipasidong iti panagsukisok ti Office of the Ombudsman dagiti flood control project idiay Tacloban City iti tengnga dagiti arunga-ing mainaig ti dakkel a pondo nga inlatang ti gobierno iti Eastern Visayas.
Daytoy ti pinasingkedan ni Ombudsman Jesus Crispin Remulla idi bimmisita isuna iti Office of the Ombudsman-Visayas idiay Cebu City.
Segun ken ni Remulla, karaman ti Tacloban kadagiti lugar a tutukan da gapu ta naggapu dituy ti dati nga House speaker a ni Martin Romualdez ken maipagarup a dakkel ti pondo a naipan iti siudad.
Kalaksidan ti Tacloban, impaganetget pay ni Remulla a kitaen ti opisina na dagiti flood control project idiay Bohol ken Negros Oriental.
-- ADVERTISEMENT --
