Inkalintegan ti Office of the Ombudsman ti P51.4 million confidential funds para inton 2026.
Iti plenary deliberations para iti House Bill 4058 wenno 2026 General Appropriations Bill, kwinestyunaran ni ACT Teachers Party-list Rep. Antonio Tinio nu apay a kasapulan ti Ombudsman iti nasao a pondo.
Inlawlawag ni Quezon Rep. Keith Mika Tan nga sponsor ti Ombudsman a maaramat ti confidential funds para ti fact-finding investigation ken lifestyle check a mandato iti ahensya, a mayannatup nangruna ket dakkel nga isyu iti korapsyon iti flood control projects.
Kinuna ni Tan a ti DBM iti nangirekomendar ti confidential funds ta ammoda nu kasano iti kasensitibo iti trabaho iti Ombudsman.
Impaganetget ni Tinio a dakkel ti regular budget iti ahensya, ngem arigna awan ti bilegna ta saan nga epektibo ti panangdusa kadagiti korap nga opisyal iti gobierno.
