Isingsingasing ti Department of Agriculture (DA) ti agribusiness kas maysa a potensial nga oportunidad iti panagpuonan ken pagbiagan para kadagiti overseas Filipino workers (OFWs) nga agsagsagana nga agawid iti Pilipinas.
Daytoy ket iti baet ti panangiyam-ammo kadakuada dagiti kabaroan a teknolohiya iti panagtalon a mabalin a maaramat kadagiti negosio a pang-agrikultura iti pagilian.
Pinasingkedan ni Agriculture Secretary Francisco P. Tiu Laurel Jr. a kayat ti gobierno a makita dagiti OFW nga agbal-balak nga agawid a ti agrikultura ket saan laeng nga oportunidad iti negosio ngem addang tapno makatulong iti suplay ti taraon.
Kabayatanna, nagperma ti DA ken OWWA ti maysa a memorandum of agreement tapno papigsaen ti panangipaay ti programa ken serbisio iti agrikultura para kadagiti OFW.
