VIGAN CITY – Pinasingkedan ni OFW- North Alliance – Ilocos Sur Chapter Rose Galinato Alcid a natalgedda idiay Hong Kong ngem adda latta iti buteng a marikrikna da iti kangitingitan ti coronavirus outbreak.
Ti pannaki-uman ti Bombo Radyo Vigan ken ni Galcid, tunggal holiday ket manmano laengen iti tao a mapmapan kadagiti sigud a pagdudupudupan dagiti tattao a lugar idiay Hong Kong ken saanda a makapagbayag no mapanda makitienda.
Malaksid iti dayta, dagiti tao a lumugan iti pampubliko a bus ket masapul a nakamask-da ta no saan ket saan da a makalugan a kas paset iti panagannadda kontra iti nasao a virus, malaksid iti panagaramat da kadagiti sanitizer wenno alcohol.
Innayon na nga agtultuloy iti palagip kadakuada ti Hong Kong government inaig dagiti masapul nga aramiden da tapnu saan da a maapektaran iti nasao a sakit.
Maipalagip nga itay kallabes ket naipadamag nga adda ti maysa nga OFW idiay Hong Kong a naka-quarantine agsipud ta atapen da a naapektaran iti nasao a virus.
