--Ads--
VIGAN CITY – Inlawlawag ni Gov. Ryan Singson nga uray kadagiti Overseas Filipino Workers a nabakunaan kontra Covid ket masapul nga adda latta ti negative RT-PCR result da no umayda ditoy probinsia.
Iti pannaki-uman ti Bombo Radyo Vigan ken ni Gov. Singson, awan pay ti nalawag a pammilin ti national government isu a masurot latta no ania ti impatungpal ti national IATF ken dayta ti nakailanad iti executive order.
Binilin ti gobernador dagiti OFW nga agawid ditoy probinsia a makikammayetda kadagiti Local Government Unit a papananda.
Kabayatanna, impakaawatna iti tunggal umili a saanda a madanagan ta aramidenda amin iti pagsyaatanda ta posible pay met a mabaliwan dagiti ipatpatungpal ti national government a pagannurotan.
-- ADVERTISEMENT --
