--Ads--
VIGAN CITY – Pinasingkedan ni Bombo International Correspondent Zenaioda Andres a taga-Abra ngem adda tatta idiay Hongkong nga iti agtultuloy a lockdown ti lugarda ket sursurotenda latta dagiti pagannurotan tapno saanda a makaptan ti COVID19.
Segun ken ni Andres, saanda pay laeng unay a maparuar uray no natalged ti kasasaadda ta no naapektaranda iti virus ket posible a mangitunda iti termination wenno pannaka-ikkatdan iti trabaho.
No man pay aldaw iti panaginanada ket saan latta ida a palubosan dagiti amoda a rumuar ken kasapulan latta iti panagaramatda ti face mask kas pangontra iti virus.
