VIGAN CITY – Dead on the spot ti maysa nga agtawen iti uppat a pulo ket innem, Overseas Filipino Worker a taga-Cabusligan, Bantay gapu iti mapapati a panagbekkelna.
Dagus a tinurong dagiti kameng ti Bantay Police Station ti lugar idi maidanun kadakuada ti pasamak ngem idi makasangpetda ket naibaban ti biktima babaen iti kabsatna.
Segun iti asawa ti biktima nga agtawen iti uppat a pulo ket tallo, pimmanaw ti asawana iti pagtaenganda iti alas onse iti bigat ken saanen a nagsubli.
Alas nuebe bainte idi rabii a nakita ti biktima a nakabitin iti kayo babaen iti tali a naiputipot iti tengngedna.
Agsagsagaba iti depresyon ti biktima gapu iti saksakitenna a myoma ken sakit iti bato kasta payen ti parikut iti pinansial.
Nupay kasta, awan ti pagilasinan nga adda foul play iti napasamak iti biktima.
