VIGAN CITY – Natalged iti kasasaad dagiti Overseas Filipino Worker idiay Abu Dhabi, United Arab Emirates iti laksid a bumarbara iti tensyon iti nagbaetan ti Iran ken Amerika a mapapati a maka-apektar kadagiti sabali pay a pagilian idiay Middle East.
Dayta iti pinasingkedan ni Marjorie Pico Sarmiento a maysa nga Overseas Filipino Worker idiay Abu Dhabi iti pannaki-uman kenkuana ti Bombo Radyo Vigan.
Inbilin ti amo ni Sarmiento kenkuana nga isagana na dagiti alikamen na, nangruna ti passport na ta nalaklakanto laeng iti panagbakwit na nu adda iti mapasamak a rinnupak iti lugar da.
Ti laksid a natalged iti kasasaad dagiti OFW iti nasao a pagilian, saan nga inlibak ni Sarmiento a makarikna da latta iti panagbuteng isu nga agridridam tapnu saan a maisagmak.
