VIGAN CITY – Inkari ni Presidente Ferdinand Marcos Jr. kadagiti Overseas Filipino Workers idiay Singapore nga imonitorna latta isuda ken saanna a baybay-an.
Iti pannaki-uman ti Bombo Radyo Vigan ken ni Bombo International News Correspondent Jordan Jubilado, maragsakanda nga OFW ta pinasingkedan ni President Marcos a saan laeng a dagiti OFW iti ipangrunada nu diketdi pati ti pamiliada ket saanna a baybay-an nga isun ti tigtignayanda.
Segun ken ni Jubilado, adu dagiti Pilipino iti dimar-ay iti state visit ti presidente ngem kagiddan ti covid-19 pandemic ket naobserbar latta iti protocols kas panangsurotda iti pagannurotan nga inyetnag iti Singapore.
Idi naikkan ti gundaway a nakaasideg ni Jubilado ken ni presidente Marcos ket inyarasaasna iti napalaus a panangsuportarna kenkuana idi eleksyon isu a nagyaman ti presidente.
Ibilang pay ni Jubilado nga utang nga imbag a nakem iti inkari ni president Marcos kangrunaan nu matungpalna ta natalekdan a saan a mabaybay-an dagiti Pilipino nga adda iti nasao a pagilian ken uray payen dagiti kameng ti pamiliada.
