Vigan City – Patta-pattaen ni Jennifer Molina Montero a maysa a nurse idiay Saudi Arabia a tubo iti ili ti Narvacan a naalana it trabaho na iti panagpositibona iti covid-19.
Iti pannaki-uman ti Bombo Radyo Vigan ken ni Montero, gapu ta maysa a frontliner ket makapulpulapolna dagiti pasyente iti covid-19 ngem sursurutenda iti nainget a protocol a panagbuggo iti ima, panagaramat iti face mask ken panagsukat tunggal tallo nga oras iti surgical mask nga araramatenda tapno maliklikan iti covid-19.
No man pay nakariknan iti nakaro a sakit iti ulo, nagsusuopan, laslasag ken nagtigtigerger idi June 22 ket awan iti naited nga agas kenkuana isu a nagagas a maymaysana ken nagtultuloy iti ipapanna iti trabahona ta saan a mabalin iti saan a sumrek no awananda iti sick leave isu nga agingga idi simmaruno nga aldaw ket nariknana manen iti nasao a sintomas agingga idi June 26 ket kimmaru manen iti sakit iti ulona.
Gapu iti dayta ket idi June 29 ket naituding iti panagswab test-na ket naamuan idi June 30 a nagpositibo iti nasao a sakit isu a naipanen iti isolation iti maysa nga ospital iti nasao a pagilian.
