VIGAN CITY – Impasigurado ti lider iti samahan ng manggagawa sa Lebanon a natalged dagiti Pilipino nga adda iti nasao a pagilian kasaruno iti pannakabomba iti nasao a pagilian.
Iti pannaki-uman ti Bombo Radyo Vigan ken ni Bombo International News Correspondent Rose Mari Castillo nga adda ita idiay Beirut, Lebanon ngem tubo iti Sta. Cruz, Ilocos Sur, inlawlawagna nga idiay south Lebanon iti pakapapasamakan iti panagbomba ket sigsiguradoen latta iti embahada iti pagilian a nakaalertoda para iti pannaka-repatriate dagiti Pilipino isu nga imbalakaddan iti boluntaryo a panagrepatriate dagiti Pilipino iti nasao a paset.
Segun kenkuana, nu bilang adda iti emergency para kadakuada ket masapul nga ipakaammo latta iti embahada para iti insigida a panagtignay para iti kinatalgedda ta dayta iti ipangpangrunada.
Kabayatanna, adda latta amak ni Castillo nga amangan nu mairaman da nu man bilang kumaru ti sitwasyon ta adda iti base ti Hezbollah idiay Beirut ngem namnamaenna a saan a mapasamak dayta ta ti laeng pabpabettakan iti nasao a grupo ket ti lugar laeng nga adda iti kalabanda.
VIDEO AUDIO – BOMBO INTERNATIONAL NEWS CORRESPONDENT ROSE MARI CASTILLO
