Nakaawiden ti na-stranded a maysa nga overseas Filipino worker a taga-Narvacan, Ilocos Sur kagiddan ti rinnupak a mapaspasamak idiay Lebanon.
Iti pannaki-uman ti Bombo Radyo Vigan ken ni Marites Ancheta, OFW manipod Lebanon, narigat ti nagbalin a kasasaadda ta nasurok dua bulan nga inanusanda iti inaladaw a rinnupak.
Ti maysa a shelter ket naggiyan iti 150 a tattao ket maminsan laeng iti kada lawas a makapagselponda a gappuanan ti pannakaapektar iti mental health-da.
Segun ken ni Ancheta, naikari kadakuada a makaawidda idi Enero ngem awan ti nagbalin nga update, ngem uray kasta ket panagyamanna ta nakaawiden kaduana dagiti padana nga OFW.
Nakaawid ni Ancheta idi Pebrero 2025 ket nangipaay iti Overseas Workers Welfare Administration (OWWA) ken Department of Migrant Workers (DMW) iti tulong pinansial ket dakkel ti panagyamanna.
Nupay kasta, saanen a kinayat ni Ancheta iti nagsubli idiay Lebanon wenno agsukat ti amo gapu iti napasamak ngem ketdi kaykayatnan iti agubra idiay Olongapo ayan ti kabsatna.
VIDEO – MARITES ANCHETA
-Nesami Ryce Dela Cruz
