--Ads--

VIGAN CITY – Comatose pay laeng kalpasan a naopera ti maysa nga OFW idiay Saudi Arabia a ni Maribel Patubo, agtawen ti dua pulo ket pito nga agnaed iday Quimmarayan, Bantay nga adda brain aneurysm na.

Segun ti asawa ni Maribel a ni Joseph Patubo, inpanamnama kadakuada ti Overseas Workers Welfare Administration a tumulong da iti gastos na iti ospital ken dadduma pay a kasapulan da agsipud ta legal met iti papan ni Maribel idiay Saudi Arabia kas maysa OFW ken aktibo a miyembro ti OWWA.

Malaksid iti dayta, iyur-uray na pay iti pannakaiproseso dagiti papeles ken passport na ta mapan iti ayan ti asawa na ta isu iti agbantay agingga a mapalubusan a rumuwar ken agawiden ditoy pagilian.

Segun ken ni Ginalyn Laurente nga isu ti nakipatang iti nurse a nangasikaso ken ni Maribel, intaray ti amo na iti ospital ti biktima ket naoperaan iti alas tres iti malem ti Sabado ket kalpasan ti dua nga aldaw, nalasatan na iti operasyon ngem saan pay laeng a nakapoot agingga tatta.

RELATED ARTICLESMORE FROM AUTHOR