--Ads--
Naarestar ti maysa nga Overseas Filipino Worker (OFW) a naggapu idiay Doha, Qatar, apaman a simmangpet iti Ninoy Aquino International Airport Terminal 3.
Ti pannakaaresto ket naipatungpal babaen iti panagkaykaysa ti Philippine National Police Aviation Security Group,Bureau of Immigration, ken Manila Police District.
Segun kadagiti otoridad, naipatungpal ti panangaresto babaen iti alias warrant a nairuar iti Pasay Regional Trial Court, gapu iti kaso a Large-Scale Illegal Recruitment.
Kalpasan ti pannakaaresto, naibaga tisuspek nga awan ti inrekomendar ti korte a piyansa na, dagus a naiyakar ti suspek iti kustodiya ti Manila Police District Warrant and Subpoena Section para iti umno a pannakaiproseso ken pannakaasikaso ti kasona.
-- ADVERTISEMENT --
