VIGAN CITY – Naisangpeten ti 476,984 nga official ballots nga usaren ti tallopulo ket dua nga ili ken dua a siudad ditoy probinsia inton umay nga eleksyon, aldaw ti Mayo 9.
Segun ken ni Provincial Election Officer Atty. Alipio Castillo III, selyado, nakakandado, secured ken untampered dagiti balota.
Ti kagudwa a bilang dagiti balota ket naibaban idiay 2nd District partikular iti siudad ti Candon a bantayanen dagiti Comelec representative.
Impasigurado ti opisial nga awan ti parikut iti panangmaysa-maysa a panangkitada kadagiti naisangpet a balota idiay Candon ken isunto met ti aramidenda iti 1st District.
Nupay kasta, maipanto met dagiti balota iti Provincial Treasurer’s Office ta isuda ti akin-akem nga agideploy kadagiti polling precincts iti nadumaduma nga ili wenno barangay.
Maisarunonto metten ti pannakaideploy dagiti vote counting machine nga adda ita iti Comelec warehouse ti Ilocos Sur.
