VIGAN CITY- ‘Official announcement’ manipud kadagiti doktor a saan ket di a dagiti cabinet members ken medical record ti kiddaw ni Buhay Partylist Rep. Lito Atienza tapno agsardengen dagiti sayangguseng inaig iti kasasaad ti salun-at ni Pres. Rodrigo Duterte.
Ti ekslusibo a pannakiuman ti Bombo Radyo Vigan kenni Rep. Atienza, inpakaammo na a nakailanad iti linteg nga obligado ti presidente nga ipakaammo ti pudno a kasasaad iti salun-at na tapno iti kasta ket saan a mariribokan ti panonot ken panagrikna dagiti umili ken saan nga usaren dagiti kritiko kontra kenkuana .
Innayon ni Rep. Atienza a napateg ti napintas a salun-at ti presidente tapno maaramid na a naimbag dagiti responsibilidad na ken makapagpanonot iti usto ta bakbaklayen na amin a parikot ti pagilian.
