Inserbin ti Senate impeachment court ti summons ken ni Vice President Sara Duterte ita nga aldaw.
Kinumpirmaran ti Office of the Vice President a naawatdan ti summons itay 10:40 iti bigat.
Iti salinong ti nasao a summons, nabilin ti bise presidente a sumango iti impeachment court upon notice ken naikkan iti sangapulo nga aldaw tapno sungbatan ti Articles of Impeachment.
Maipalagip nga adda uppat nga article ti impeachment case a naipila iti Kamara de Representantes kontra ken ni Duterte.
Dayta ket pakairamanan ti mapapati a saan a nasayaat a pannakaaramat ti P612.5 million confidential funds iti Office of the Vice President ken Department of Education (DepEd), saan a maipalawag a baknang, mapapati a panangted ti kuarta kadagiti opisyal ti DepEd maipanggep ti procurement, ken mapapati a panagpangta kada Pres. Ferdinand Marcos Jr., First Lady Liza Araneta Marcos ken dati nga Speaker Ferdinand Martin Romualdez.
