--Ads--
VIGAN CITY – Adda ti binukel ni Governor Ryan Singson nga Office of Muslim Affairs idiay provincial capitol.
Ti nasao nga opisina ket isu iti mabalin a pagkamangan dagiti miyembro ti Muslim community ditoy probinsiya nga agpatulong wennu adda iti iyuman na a banag.
Segun ti nadutukan a consultant a ni Samad Mustafa, nalaklakan a maasistaran dagiti kadaraan da a Muslim nga agkasapulan iti tulong babaen iti nasao nga opisina.
Innayon na nga ipakaammo nanto kadagiti presidente ti Muslim community kadagiti naduma-duma nga ili nga addan iti opisina ti Muslim Affairs idiay kapitolyo ta nu adda iti kasapulan da ket isun iti pagkamangan da.
-- ADVERTISEMENT --
