Babaen ti bileg ti Proclamation No. 700 a pinirmaan ni Executive Secretary Lucas Bersamin naideklara ti October 15 ti kada tawen kas National Pregnancy and Infant Loss Remembrance Day.
Maibasar iti naipaulog a proclamation a maikkat ti bileg ti Proclamation No. 586 a mangideklara iti March 25 iti kada tawen kas “Day of the Unborn.”
Gagem ti naipulog a Proclamation No. 700 tapno mabigbig ken malagip dagiti maladaga a natay bayat ti panagsikog wenno kalpasan ti pannakayanak kasta met dagiti inna a napukawan ti anak.
Mainaig iti daytoy, nabilin ti DOH a mangidaulo ken mangimaton kadagiti programa ken aktibidad a maiyuswat kasta met dagiti proyekto a maaramid mainaig iti naipaulog a proklamasion.
Maalallukoy amin nga LGU, NGO ken pribado a sektor a mangsuporta iti National Pregnancy and Infant Loss Remembrance Day.
