--Ads--
Nagballaag ti Office of Civil Defense kadagiti agindeg nga asideg iti Mayon Volcano gapu iti agtultuloy nga aktibidad ti bulkan.
Posible a mapasamak ti pyroclastic flow, rockfall, ken ashfall, isu a mabalbalakadan ti amin nga agalerto ken sumurot kadagiti otoridad.
Nairekord ti lava collapse iti alas kuatro y media iti malem, ken adda agtultuloy a panagayos ti lava kadagiti sumagmamano a paset kas iti Basud, Bonga, ken Mi-isi gullies, pasaray pay pumutok ken adda ti lava fountaining.
Agtaltalinaed iti Alert Level 3 ti bulkan, a ti kayatna a sawen ket dakkel ti tsansana a pumutok.
-- ADVERTISEMENT --
