Nakaituding ti Office of Civil Defense (OCD) a mangsimpa ti nationwide youth brigade nga agserbi a frontliner iti panangiyetnag ti disaster preparedness ken panangtulong kadagiti umili bayat ti emergencies.
Pinirmaan ni OCD Officer-in-Charge Assistant Secretary Bernardo Rafaelito Alejandro IV ti maysa a memorandum of understanding (MOU) kadua ni Sectoral Anti-Poverty (SAP) Leadership and Management Consultancy Services Chairperson ken CEO Chanda A. Gonzales tapno pormal a mairusar ti “Sagip-Buhay ng Mamamayan (SBM) Youth Brigade initiative.
Segun ken ni Alejandro, ti pannakikammayetda iti SAP a maysa nga alyansa a gagem a mapasayaaat ti akem dagiti agtutubo iti disasyer risk reduction, ket maysa a napateg nga addang iti panangpapigsa iti Filipino youth tapno makipaset ti active role iti panangpasayaat ti community resilience ken disaster preparedness.
Iti salinong ti MOU, idauluan ti OCD ti foundation training iti certified SBM Youth Members iti pannakikammayet iti Department of the Interior and Local Government (DILG) ken ti Sangguniang Kabataan (SK).
Makikammayet pay ti OCD iti Local Disaster Risk Reduction and Management Offices (LDRRMO) tapno mangipaay ti training ken mang-integrate ti certified youth iti local DRRM activities kas ti prevention, preparedness, ken early response.
