Binalakadan ti Office of the Civil Defense ti publiko nga agalerto ken agsagana iti posible a pangta ti tsunami gapu iti nagsasaruno a gingined iti kabaybayan ti Ilocos Sur.
Segun ken ni OCD Administrator Usec Ariel Nepomuceno, binilinnan dagiti regional director ti civil defense offices iti Ilocos Region, Cagayan Valley, ken Central Luzon tapno makikammayet kadagiti national government agencies ken local government units tapno masigurado ti kinatalged dagiti agindeg.
Maibasar iti Philippine Institute of Volcanology and Seismology (PHIVOLCS), uppat a pulo ket siam a gingined a ti kapigsana ket magnitude 1.8 agingga 5.0.
Nagsentro iti 100 km laud, amianan a laud iti ili ti Sta. Catalina ket ti makaigapu ket ti panaggaraw iti asideg ti Manila Trench.
