--Ads--
Agtultuloy iti panawagan ti Office of Civil Defense kadagiti residente a naibakwit nga agnanaed iti 6km radius danger zone iti Bulkang Kanlaon nga agtalinaed kadagiti evacuation center agingga paskua.
Immapela ni OCD Administrator Undersecretary Ariel Nepomuceno a saan pay laeng nga agsubli kadagiti pagtaengan dagiti evacuees para iti kinatalgedda.
Iti agdama ket agtaltalinaed a naka-alert level 3 iti Mt. Kanlaon isu a posible a maaddaan ti hazardous eruption kadagiti sumarsaruno nga aldaw wenno lawas.
Impalagipna nga awanen iti maisayangkat a rescue operations nu kas bilang bumtak iti bulkan isu nga immapelada kadagiti residente a makitinnulong.
-- ADVERTISEMENT --
