Agsagsagana ti Office of Civil Defense no bilang ingato ti Philippine Institute of Volcanology and Seismology ti alert status ti Kanlaon volcano manipud iti Level 3 a mapan iti Level 4, kalpasan ti panagputok ti bulkan idi kalman.
Segun ken ni Usec Ariel Nepomuceno, dua ribo a pamilia ti tultulonganda babaen iti panagtignay ti DSWD ken dagiti local government units nga adda kadagiti evacuation center, katukad daytoy iti innem a ribo a tattao.
Nairekord met ti ashfall kadagiti dadduma a lugar iti Negros Occidental gapu iti explosive eruption.
Karaman kadagiti apektado a lugar ti Barangay Sag-Ang idiay La Castellana; Barangay Yubo ken Ara-al idiay La Carlota; ken uray idiay Bago City.
Impasigurado met ti Malakanyang a mangtedda iti tulong kadagiti apektado iti pimmutok a bulkan.
