Saan pay laeng nga ik-ikkaten ti Office of the Civil Defense Region 1 ti posibilidad a mapasamak ti ‘worst case scenario’ gapu iti gingined a mairekrekord iti kabaybayan ti Sta. Catalina, Ilocos Sur.
Gapu dayta, pagan-annadenda dagiti umili nangruna iti paset ti rehion uno ken imbilinda ti naan-anay a panagridam ken panangammo kadagiti pagilasinan ti tsunami.
Iti pannaki-uman ti Bombo Radyo Vigan ken ni Adreanne Pagsolingan, OCD-1 Spokesperson, adda dagiti naaprubaran a contingency plan da iti gingined ken dagiti secondary hazard kas koma ti tsunami.
Agtultuloy ti koordinasyon ti OCD kadagiti Local Disaster Risk Reduction and Management Council ken ti monitoringda kadagiti coastal area iti rehion gapu iti pangta ti tsunami.
Pinalagipanda pay dagiti LGU nga isagana dagiti evacuation plans da para kadagiti agindeg
Kabayatanna, inallukoy ni Pagsolingan dagiti agindeg a makipaset iti Nationwide Simultaneous Earthquake Drill tapno ammo ti aramiden no bilang adda gingined.
