Occupancy rate kadagiti Covid19 facility iti Ilocos Sur, immaboten iti 150 percent

VIGAN CITY – Umaboten iti 150 percent ti occupancy rate kadagiti facilities ditoy probinsia gapu ti umad-adu a pasyente kadgaiti ospital.

Segun ken ni Gov. Ryan Singson, nalukatan manen dagiti dua a quarantine facilities a nairikep idi December ta agtultuloy ti panagadu ti kaso.

Kaaduan a makapkaptan ket dagiti healthcare workers wenno dagiti frontliners.

Nupay kasta, balakad ti gobernador a doblien ti panagannad ket sumurot kadagiti protocol ta narigrigat manen no awan dagiti healthworker a katulongan iti pananglaban ti Covid19.