--Ads--
Nagpanawagan ti maysa nga Obispo iti publiko iti kararag ken pannakikaysa para iti kappia iti Middle East gapu iti kumarkaro a riribuk iti rehion.
Palagip ni Antipolo Bishop Ruperto Santos kadagiti Pilipino kadagiti apektado a lugar nga agridam latta ken agalerto iti ania man nga oras para iti kinatalgedda.
Inyunay-unay ni Bishop Santos a ti agtultuloy a panagkaro ti sitwasyon ket adda nalawa nga implikasionna saan laeng nga iti rehion no di ket iti intero a lubong.
Nagballaag pay ti Obispo iti agbalin nga epekto ti riribuk kadagiti sibilyan ket namnamaenna a babaen iti kararag ken agkaykaysa a tignay ket agpatingga ti kinaranggas iti rehion.
-- ADVERTISEMENT --
