VIGAN CITY – Inted ti National Nutrition Council –Region 1 ti Commendation Award iti City Government of Vigan babaen ti City Health Office kas panagbalin a consistent Green Banner Awardee idi 2015, 2016, ken 2017, ken CROWN awardee idi 2017, 2018 ken 2019 iti panagbalin nga outstanding nutrition program implementation para iti balligi a pannakagun-od ti Nutrition Honor Award nga isu ti kangatoan nga award para ti Nutrition Program implementation iti pagilian a naisayangkat idi December 7, 2022 idiay Sison Auditorium, Lingayen Pangasinan.
Ti City Health Office ket inrepresentarda City Health Officer Dr. Loida Ranches, Jeno Figuracion ken Mylene Amano a personal a nangawat ti commendation.
Naala pay iti siudad ti Vigan dagiti dadduma nga award a kas ti Regional Outstanding Local Nutrition Action Officer a naited ken ni Jeno Josef Figuracion, Regional Outstanding Local Nutrition Program Coordinator Award ken ni Mylene Amano ken Regional Outstanding Barangay Nutrition Scholar ken ni Ma. Corazon Piano a taga-Barangay II, Vigan City.
Nagyaman ni Ranches dagiti amin a volunteer, partner institutions and agency, ken nutrition focal persons iti panagtrabahoda ken dedikasyonda pakairamananen ti City Government kagiddan ti pannaki-commitda iti agtultuloy a panangsalaknib iti salun-at ken nutrisyon dagiti umili babaen ti comprehensive City Nutrition Action Plan, ken dagiti barangay para iti suportarda iti gagem a mapagtalinaed a natalged a pagnaedan iti siudad.
