VIGAN CITY- Ni Alyas “Tong”, maysa a licensed nurse ken taga Tuguegarao City, Cagayan a nainpektaran ti Human Immunodeficiency Virus (HIV) ket maysa kadagiti agserserbi nga instrumento tapno maikkat ti social stigma kontra kadagiti tattao a kapada na nga agsagsagaba ti nasao a sakit.
Segun kenni Tong, tawen 2009 idi nainpektaran isuna iti HIV ket naglemmeng iti innem a tawen gapu iti diskriminasyon ken nakaro a pannakaibabain ngem idi rinugian na ti nagpaagas idi 2016 ket saan na nga intulok a lapdan ti sakit na ti karbengan na nga agbiag ti normal.
Patien na a naala na ti virus idi agtawen ti dwa pulo ket tallo idi agad-adal pay laeng iti unibersidad idiay baguio gapu iti ado a sexual partners.
Para kenkuana, kayat na a maadalan dagiti umili inaig ti HIV tapnu maikkan ti “social stigma” kadakuada nga HIV positive.
