VIGAN CITY- Patien ni Atty. Neri Colmenares ti National Union of People’s Lawyers a saan a pederalismo ti tulbek tapnu dumur-as iti maysa a pagilian no di ket iti panangparmek dagiti ramot iti kinpanglaw a bunga ti korapsyon, political dynasty ken kontraktwalisasyon.
Ti pannaki-uman ti Bombo Radyo Vigan ken ni Atty. Colmenares, saan nga amin a pagilian a pederalismo iti sistema iti gobierno na ket nadur-as ta nakadepende dayta iti panangimanehar dagiti opisyal iti gobierno.
Malaksid iti dayta, kontraen met ni Colmenares iti probisyon iti draft ti federal constitution nga inpila ti constitutional commission a panangited iti bileg iti Kongreso a mangbukel iti linteg tapnu mapalubusan dagiti gangannaet a gumatang iti lote ditoy pagilian ta pagamkan na a ngumina ti daga ket saanen a makagatang dagiti umili, agbalin a commercial lot dagiti lote a maisakup kuma ti land reform ken agpeggad ti seguridad iti pagilian ta makastrek dagiti gangannaet nangruna dagiti Chinese nationals.
Ti biang ti separation of powers, ti pannakaawat ni Colmenares iti draft ket agsentro amin a bileg iti gobierno iti federal transition commission nga idaulwan ni Presidente Rodrigo Duterte isu a kwinestyunaran na no anyan ton ti bileg ti kongreso ken judiciary kabayatan ti transition period.
